રાજકોટમાં દુર્લભ પેંગોલિનનું રૂપિયા 22 કરોડમાં ગેરકાયદેસર વેચાણ કરતી ટોળકી ઝડપાઇ છે. ગીરના જંગલમાંથી પેંગોલિનની તસ્કરી કરીને મોટા શહેરોમાં વેચાણ કરતા હતા. શેડયૂલ-1 માં આવતું પ્રાણી દુર્લભ હોવાથી લાખો રૂપિયામાં સોદો કરે તે પહેલા ગેંગ પકડાઈ ગઈ. રાજકોટ એસ.ઓ.જીએ ઓપરેશન પાર પાડી આખી ટોળકીને ઝડપી લીધી છે. એસ.ઓ.જી એ બીજલ ઉર્ફે વિજય સહિત 2 શખ્સોની ધરપકડ કરી છે. પોલીસ દ્વારા આરોપીઓને વનવિભાગને સોંપવામાં આવ્યા છે. સાથે જ દુર્લભ ગણાતા પેંગોલીનને પણ વન વિભાગને સોંપવામાં આવ્યું છે. અત્યાર સુધીમાં કેટલા પેંગોલીનનું વેચાણ કર્યું ? કેટલા રૂપિયામાં વેચાણ કર્યું ? આ બાબતે વનવિભાગ દ્વારા આરોપીઓની પૂછપરછ હાથ ધરવામાં આવી છે. એક શખ્સને પકડવા માટે વનવિભાગે ચક્રો ગતિમાન કર્યા છે.






