News Reporter
જાન્યુઆરી, 2026માં પાસપોર્ટ સેવાઓની વધેલી માગને ધ્યાનમાં રાખીને પ્રાદેશિક પાસપોર્ટ કચેરી અમદાવાદ દ્વારા તારીખ 07.02.2026 (શનિવાર)ના રોજ અમદાવાદમાં પાસપોર્ટ સેવા કેન્દ્ર બાપુનગર અને પાસપોર્ટ સેવા કેન્દ્ર વિજય ક્રોસ રોડ ખાતે પાસપોર્ટ અરજદારો માટે એક વિશેષ અભિયાનનું આયોજન કરવામાં આવી રહ્યું છે.નોર્મલ તેમજ તત્કાલ પાસપોર્ટ માટે 07 ફેબ્રુઆરી, 2026 માટેની અપોઇન્ટમેન્ટ પાસપોર્ટ સેવા વેબ પોર્ટલ પર ઑનલાઇન મૂકી દેવામાં આવ્યું છે. જેમ અરજદારોની પાસપોર્ટ અપોઇન્ટમેન્ટ લે છે, તેઓ ઉપરોક્ત તારીખ માટે પણ અગાઉથી બુકિંગ કરી શકે છે. તેમજ જેમણે બુકિંગ કરાવ્યું છે તેવા અરજદારો રિશિડ્યૂલ કરી શકે છે.
અરજદારોએ વધુ માહિતી જાણવા માટે www.passportindia.gov.inની વેબસાઇટ પર જઈને જાણી શકાશે. આ ઉપરાંત ત્યાંથી અપોઇન્ટમેન્ટ માટે સ્લોટ પણ બુક કરી શકાશે. ઉપરોક્ત વિશેષ અભિયાન વિદેશ મંત્રાલય દ્વારા તમામ નાગરિકોને શક્ય તેટલી વહેલી તકે પાસપોર્ટ અપોઇન્ટમેન્ટ ઉપલબ્ધ કરાવવાની પહેલનો એક ભાગ છે.
