News Reporter
વડાપ્રધાન નરેન્દ્ર મોદી હાલમાં ગુજરાતના પ્રવાસે છે. સુરતમાં પીએમ મોદીએ એક રેલીને સંબોધિત કરી હતી અને એક રોજ શો પણ કર્યો હતો. આ રોડ શો દરમિયાન એક અદ્ભુત દ્રશ્ય જોવા મળ્યું હતું. પ્રધાનમંત્રી નરેન્દ્ર મોદી જ્યારે લોકો વચ્ચેથી પસાર થઈ રહ્યા હતા ત્યારે એક યુવાન તેમને જોઈ ભાવુક થઈ ગયો હતો. પ્રધાનમંત્રી નરેન્દ્ર મોદીએ પણ તેને નિરાશ કર્યો નહીં અને તેની ઈચ્છા પૂર્ણ કરી હતી.
પીએમ નરન્દ્ર મોદી રોડ શો કરી રહ્યા હતા અને એક ગાડી પર સવાર હતા. રોડની બંને બાજુ લોકોની ભીડ હતી. આ દરમિયાન એક છોકરો પીએમ મોદી અને તેમની માતા હીરાબા નો સ્કેચ લઈ ઉભો હતો. તે રડી રહ્યો હતો. જ્યારે પીએમ મોદીએ તેના તરફ જોયું તો તેમણે તરત જ સુરક્ષાકર્મીઓને સ્કેચને તેમની પાસે લઈને આવો જણાવ્યું.
તેના પછી પીએમ મોદીએ આ સ્કેચ પર ઓટોગ્રાફ આપ્યો અને તે યુવક પાસે તે સ્કેચ પહોંચાડ્યો હતો. આ હૃદયસ્પર્શી વીડિયો હાલમાં સોશિયલ મીડિયામાં ખુબ જ વાયરલ થઈ રહ્યો છે અને લોકો તેમના ખુબ જ વખાણ કરી રહ્યા છે. કેટલાક લોકોનું કહેવું છે કે આવી નાની-નાની વસ્તુઓ પીએમ મોદીને બાકીના નેતાઓથી અલગ બનાવે છે. તો કેટલાકે એવું પણ કહ્યું કે પ્રધાનમંત્રી પોતાના ચાહકોનું ધ્યાન રાખવું સારી રીતે જાણે છે.
