News Reporter
અમદાવાદ શહેરના ઘાટલોડિયા વિસ્તારની નેશનલ સ્કૂલ બહાર વિદ્યાર્થી પર હુમલો કરવાની ઘટના સામે આવી છે. અન્ય યુવકોએ શાળા બહાર આવી વિદ્યાર્થી પર ઘાતકી હુમલો કર્યો હતો. આ સમગ્ર મામલે હાલ ઘાટલોડિયા પોલીસે તપાસ હાથ ધરી છે.
પ્રાથમિક માહિતી પ્રમાણે, અગાઉની અદાવતમાં શાળા બહાર આવી યુવકોએ હુમલો કર્યો હોવાની પ્રાથમિક માહિતી સામે આવી હતી. ધોરણ દસના વિધાર્થીઓ વચ્ચે મારામારી થઈ હોવાની માહિતી સામે આવી છે. છરીથી હુમલો કરવાની ઘટના સીસીટીવી કેમેરામાં કેદ થઈ છે.
આ સમગ્ર મામલે નેશનલ હાઇસ્કૂલના આચાર્યનું નિવેદન સામે આવ્યું છે. નેશનલ હાઇસ્કૂલના ધોરણ દસના વિધાર્થીઓ પરીક્ષા આપી ઘરે જઈ રહ્યા હતા. ત્યારે શાળાથી 100 મીટર દૂર અંદરોઅંદર ઝગડ્યા હતા.
ત્યારે અન્ય વિદ્યાર્થીએ બહારથી માણસો બોલાવ્યા હતા.જેમાં બહારના વ્યક્તિએ એક વિદ્યાર્થીને માથાના ભાગમાં કડું માર્યું હતું. કડું મારવાથી વિદ્યાર્થી ગંભીર રીતે ઇજાગ્રસ્ત થયો હતો અને તેને તાત્કાલિક સારવાર માટે હોસ્પિટલ ખસેડવામાં આવ્યો હતો. હાલ વિદ્યાર્થીને તેના માતા-પિતાને સોંપવામાં આવ્યો છે.
