News Reporter
ધુરંધર સિરીઝ હવે 2,000 કરોડ રૂપિયાની કમાણી ધરાવતી બની ગઈ છે. આ એકમાત્ર ભારતીય ફ્રેન્ચાઈઝીની ફિલ્મો છે જેની બે ફિલ્મો 500-500 કરોડ ક્લબમાં સામેલ છે અને હજુ ધુરંધર 2 ફિલ્મે તો તેનો પહેલો મંગળવાર જ પૂરો કર્યો છે.‘ધુરંધર: ધ રિવેન્જ’ દ્વારા વધુ એક નવો બોક્સ ઓફિસ રેકોર્ડ તોડવામાં આવ્યો છે. આદિત્ય ધરના નિર્દેશનમાં બનેલી આ ફિલ્મ હવે તેની બંને ફિલ્મો (ધુરંધર અને ધુરંધર-2)ની કુલ કમાણી સાથે 2,000 કરોડના ક્લબમાં પ્રવેશનારી પ્રથમ બોલિવૂડ સિરીઝ બની ગઈ છે.
બાહુબલી અને પુષ્પા સિરીઝ પછી આ સિદ્ધિ મેળવનારી આ માત્ર ત્રીજી ફિલ્મ સિરીઝ છે. જોકે, આ એકમાત્ર એવી સિરીઝ છે જેની બંને ફિલ્મો એક જ ભાષામાં 500 કરોડ નેટ કલેક્શનના ક્લબમાં છે.જે ધુરંધરને ભારતીય સિનેમામાં સાચો ગેમ-ચેન્જર બનાવે છે. ટ્રેડ વેબસાઇટ સેકનિલ્ક મુજબ, આ સિક્વલે વિશ્વભરમાં 919 કરોડ રૂપિયાની કમાણી કરી છે અને કાંતારા ચેપ્ટર 1 ના 852.36 કરોડને પાછળ છોડીને સૌથી વધુ કમાણી કરનાર ભારતીય ફિલ્મોની યાદીમાં ઉપર આવી ગઈ છે.
રણવીર સિંહની મુખ્ય ભૂમિકાવાળી ધુરંધર 2 એ ભારતમાં તેનાં છઠ્ઠા દિવસે 56.55 કરોડ રૂપિયાનું નેટ કલેક્શન નોંધાવ્યું હતું, જેનાથી દેશમાં તેનું કુલ 6 દિવસનું કલેક્શન 575.65 કરોડ રૂપિયા થઈ ગયું છે. ભારતનું ગ્રોસ કલેક્શન 687.43 કરોડ રૂપિયા પર પહોંચ્યું છે.
રિપોર્ટ મુજબ, ધુરંધર 2 ત્યાં 2 મિલિયન પાઉન્ડ (25.17 કરોડ રૂપિયા) કમાનારી સૌથી ઝડપી ભારતીય ફિલ્મ છે. 6 દિવસ પછી ફિલ્મની કુલ વિદેશી કમાણી 231.57 કરોડ રૂપિયા છે.ટ્રેડ એનાલિસ્ટ્સ માને છે કે ધુરંધર 2 સૌથી ઝડપથી 1,000 કરોડનાં ક્લબમાં પહોંચનારી હિન્દી ફિલ્મ બનશે. તે પછી તે પુષ્પા 2, આરઆરઆર, કેજીએફ 2 અને બાહુબલી 2 જેવી ફિલ્મોનાં રેકોર્ડ તોડવા તરફ આગળ વધશે. ફિલ્મને લોકોમાં થતી ચર્ચાઓનો પણ ઘણો ફાયદો મળ્યો છે.રણવીર સિંહ સિવાય આ ફિલ્મમાં સંજય દત્ત, આર માધવન, અર્જુન રામપાલ અને રાકેશ બેદી જેવા કલાકારો પણ છે. આ ફિલ્મ આદિત્ય ધર દ્વારા લખવામાં અને નિર્દેશિત કરવામાં આવી છે. આ ફિલ્મે ખરેખર બોક્સ ઓફિસ પર ધૂમ મચાવી રહી છે.
