હાયપર ટેન્શન સાયલન્ટ કિલર છે હાયપર ટેન્શન, અંકુશમાં રાખવું જરૂરી

આજે હાયપર ટેન્શન યુવાનો અને મહિલાઓમાં વધી રહ્યું છે. આ હાયપર ટેન્શનથી ખરાબ ડાયેટ (ખાન-પાન)- લાઈફ સ્ટાઈલના કારણે યુવાનોમાં તેમજ હોર્મોનમાં ફેરફાર, ભાવનાત્મક તનાવ મહિલાઓમાં હાઈપર ટેન્શનનું કારણ છે. નિષ્ણાંતો આધ્યાત્મિક દ્દષ્ટિકોણ, યોગ, દમ અને ભોજન શૈલીમાં સુધારાનો આગ્રહ હાયપર ટેન્શનથી મુક્તિ માટે કરે છે.

હાયપર ટેન્શન સાયલન્ટ કિલર તરીકે ઓળખવામાં આવે છે. કારણ કે તે ગંભીર બીમારીનું કારણ બને છે. હંમેશા હાઈ બીપીની સ્થિતિમાં પણ શરૂઆતમાં લક્ષણ નથી જોવા મળતા. લોકોને ખબર નથી પડતી અને ધીરે ધીરે બીમારીઓ વધવા લાગે છે અને અનેક અંગોને પોતાની ઝપટમાં લઈ લે છે.એટલે હાઈપર ટેન્શનની અસર માત્ર હાર્ટ પર જ નહી, બલકે બ્રેઈન, કિડની અને આંખો પર પણ થાય છે.

શું છે હાઈપર ટેન્શન

હાઈપર ટેન્શન એક એવી સ્થિતિ છે જેમાં વ્યક્તિનું બ્લડ પ્રેસર સામાન્યથી વધુ હોય છે. સામાન્ય બ્લડ પ્રેસર 120/80 એમએમએચજી હોય છે, જયારે તે સતત 140/90 એમએમએચજી કે તેથી વધુ રહે છે તો તેને હાયપર ટેન્શન કહે છે. હાયપર ટેન્શનથી હાર્ટની બીમારી હાર્ટ એટેક, હાર્ટ ફેલનો ખતરો રહે છે.

હૃદયના ધબકાર નિરંકુશ હોવા

કાર્ડિયોલોજીસ્ટ ડો. યુસુફ જમાલે જણાવ્યું હતુ કે જયારે બ્લડ પ્રેસર હાઈ થાય છે ત્યારે તેની અસર શરીરની બધી મુખ્ય નળીઓ પર પડે છે પણ સૌથી વધુ અસર હાર્ટની આર્ટરી પર થાય છે, આ જ રીતે જયારે બ્રેઈનમાં લોહીની નળી પર અસર થાય છે તો બ્રેઈન સ્ટ્રોકનો ખતરો રહે છે.

તેમણે જણાવ્યું હતું કે જે લોકો તેમની પાસે હાર્ટની સારવાર માટે આવે છે, તેમાં શહેરી વિસ્તારના દર્દીઓમાં દર 100 દર્દીઓમાંથી 35થી40નું બ્લડ પ્રેસર હાઈ રહે છે, જો સાથે સાથે રિસ્ક ફેકટર ડાયાબીટીસ હોય વધુ વજન હોય અને સ્મોકીંગ કરતા હોય તો ખતરો અનેકગણો વધી જાય છે.

લાઈફ સ્ટાઈલની કંટ્રોલ

ડોકટર જમાલે જણાવ્યું હતું કે રોજના 30થી40 મિનીટ વોકીંગ, યોગ, ધ્યાન કરવાની સાથે સાથે વજન ઓછું રાખવું, 6થી7 કલાકની ઉંઘ લેવાય તો બ્લડ પ્રેશનરને સરેરાશ 20થી20 એમએમએએચજી ઘટાડી શકાય.