રાજકોટની પ્રાઈવેટ હોસ્પિટલની શરમજનક કરતૂત, મહિલા દર્દીઓના પ્રાઈવેટ વીડિયો લીક કર્યા

રાજકોટ શહેરમાં એક ચોંકાવનારો કિસ્સો સામે આવ્યો છે. સોશિયલ મીડિયા પર એક હોસ્પિટલમાં મહિલાઓની સારવાર કરતા પ્રાઈવેટ વીડિયો વાયરલ થયા હતા. જેને લઈને ભારે હોબાળો થયો હતો. ત્યારે હવે એવી માહિતી સામે આવી છે કે, આ દરેક વીડિયો રાજકોટની એક હોસ્પિટલના હોવાની શક્યતા છે. જેના કારણે શહેરમાં આ મુદ્દો ચર્ચાનું કેન્દ્ર બની ગયો છે. ઘટનાની જાણ થતા જ ક્રાઈમ બ્રાન્ચના અધિકારીઓ પણ તુરંત હોસ્પિટલ પહોંચ્યા હતા અને તેમણે આ મામલે કાયદેસરની કાર્યવાહી હાથ ધરી છે.

સોશિયલ મીડિયા પર આ વીડિયો અપલોડ થયા બાદ મામલો સામે આવ્યો હતો.વીડિયો સામે આવ્યા બાદ ગુજરાતની છબીને ભારે નુકસાન પહોંચ્યું છે. ગુજરાતની બહેન-દીકરીઓના મેડિકલ ચેકઅપના વીડિયો વેચાતા હોવાનું સામે આવ્યા બાદ ક્રાઈમ બ્રાન્ચ પણ હવે એક્શન મોડમાં આવી ગઈ છે. શહેરના 150 ફૂટ રિંગ રોડ પર આવેલ પાયલ મેટરનિટી હોસ્પિટલનો આ બનાવ છે. જ્યાં સંચાલકો દ્વારા કબૂલ કરવામાં આવ્યું કે વીડિયો તેમની જ હોસ્પિટલના છે.આ વીડિયો રાજકોટની એક ગાયનેક હોસ્પિટલનો હોવાનું સામે આવ્યું છે. જેમાં રાજકોટની પાયલ મેટરનિટી હોસ્પિટલનો આ વીડિયો હોવાનું અનુમાન કરવામાં આવ્યું છે. સમગ્ર મામલે હોસ્પિટલના તબીબ દ્વારા કેમેરા હેક થયા હોવાનો દાવો કરવામાં આવ્યો છે. જેના કારણે મામલો વધુ ગંભીર બનતો જાય છે.