News Reporter
પંજાબમાં હાલ સતત ભારે વરસાદ અને પૂરના કારણે વિકટ પરિસ્થિતિ પેદા થઈ છે.ત્યારે પૂર અસરગ્રસ્તોની વહારે બોલીવુડ એકટર અક્ષયકુમાર આવ્યો છે.પૂરના અસરગ્રસ્તો માટે અક્ષયકુમારે 5 કરોડ રૂપિયાની રાહત અસરગ્રસ્તોના પુનરૂત્થાન માટે જાહેર કરી છે.અક્ષયકુમારે સમાચારોને પુષ્ટિ આપતા કહ્યું હતું કે હા,પંજાબમાં પૂરનો ભોગ બનેલા લોકો માટે રાહત સામગ્રી ખરીદવા માટે પાંચ કરોડ રૂપિયા આપ્યા છે.પણ હું કોઈને દાન શા માટે કરૂ? કુદરતે મને કોઈની મદદ કરવાની તક આપી છે. મારા માટે આ એક સેવા કાર્ય છે. હું મારૂ નાનકડુ યોગદાન આપું છું.
હું ભગવાનને પ્રાર્થના કરૂ છું કે પંજાબના મારા ભાઈ અને બહેનો માટે જે કુદરતી આફત આવી છે. તેમાથી તરત મુકત થાય. ઉલ્લેખનીય છે કે અગાઉ પણ અક્ષયકુમારે આપતિઓ વખતે માનવતા દાખવી છે. ચેન્નાઈમા પુર કે કોરોના મહામારી વખતે પણ તેણે અસરગ્રસ્તોને મદદ કરી હતી.
